डॉ. अतुल भोसले यांचा ‘बोले तैसा चाले’ या विचारावर ठाम विश्वास आहे. हाती घेतलेले काम ते तडीस नेतातच आणि ते काम अधिकाधिक चांगल्या रितीने करतात. मदत मागणारा कोणीही असो, दिवसरात्र कोणतीही वेळ असो किंवा आव्हान कितीही कठीण असो, जनतेची सेवा करताना डॉ.अतुल भोसले जराही बिचकत नाहीत. उच्च शिक्षण असले तरी सदैव जनसामान्यांशी संपर्क ठेवून उत्साहाने लोकाभिमुख कामे करण्याचे त्यांचे वैशिष्ट्य आहे. हाती घेतलेले काम तडीस नेईपर्यंत अथवा समस्या सुटेपर्यंत त्यांना स्वस्थ बसवत नाही. त्यांचे नेतृत्व हे नैतिकतेच्या भक्कम पायावर उभे असलेले पारदर्शी नेतृत्व आहे.

समाजकार्यात वावरताना भावनेला कधीही अंतर न देणारे, निस्वार्थी, अत्यंत स्वाभिमानी, अभ्यासातून व्यक्त होणारे स्पष्ट विचारांचे व्यक्तिमत्व म्हणजे आ. डॉ. अतुलबाबा होय. जनता सर्वांत महत्त्वाची ! हेच त्यांचे पहिले आणि शेवटचे तत्त्व. कामाचा अविरत सपाटा, जनसेवेसाठी २४ तास उपलब्धता, प्रत्येकाच्या अडीअडचणीत मोलाचे सहकार्य, कोणालाही अंतर न देता सर्वांशी मिळून-मिसळून वागणे यासह अनेक बाबी त्यांच्या व्यक्तिमत्त्वात भर टाकणाऱ्या आहेत. कितीही संकटे आली तरी शेवटपर्यंत लढा द्यायचा आणि विजय खेचून आणायचा हा त्यांचा गुणविशेष त्यांचा राजकीय कारकिर्दीला कलाटणी देणारा आहे.

आदर्श व सर्वसमावेशक सहकाराचा वारसा लाभलेल्या भोसले परिवारात २८ मार्च १९८३ रोजी त्यांचा जन्म झाला. सहकामहर्षी ही ख्याती असलेले आजोबा स्व. जयवंतराव (आप्पा) भोसले व आदर्श सहकाराचा वसा प्राणपणाने जपणारे मा. सुरेश जयवंतराव भोसले यांचा पुत्र असलेले आ. डॉ. अतुलबाबा यांनी एम.बी.बी.एस. पदवी प्राप्त केली आहे. कार्यावर निष्ठा हेच त्यांचे जीवन आहे. समाजासाठी सतत काम करत राहणं हा त्यांचा श्वास. वैद्यकीय व्यवसायाऐवजी समाजकारणात येताना गोरगरीब हा त्यांचा केंद्रबिंदू आणि उपेक्षितांना बरोबर घेऊन जाणं हा त्यांचा धर्म.